Ռուս-թուրքական համագործակցություն
Նոյեմբեր 18, 2010թ. 10:42
Ռուսաստանի վարչապետ Վլադիմիր Պուտինը հեռախոսազրույցի ժամանակ Թուրքիայի վարչապետ Ռեջեփ Թայիփ Էրդողանի հետ քննարկել է “Սամսուն-Ջեյհան” նավթամուղի, “Հարավային հոսք» գազատարի և Թուրքիայում ԱԷԿ կառուցման ծրագրերը: Այս մասին հայտնվում է ռուսական կառավարության տարածած հաղորդագրության մեջ:
“Կառավարության ղեկավարները մանրամասն քննարկել են էներգետիկայի բնագավառում համագործակցության առկա պահերը, առաջին հերթին “Սամսուն-Ջեյհան” նավթամուղի կառուցման թեման, ինչպես նաև Ակկույուում ատոմային էլեկտրակայանի կառուցումը:
Բավարվածությամբ նշվել է, որ թուրքական խորհրդարանը վավերացրել է ԱԷԿ-ի կառուցման վերաբերյալ համաձայնությունը, ինչպես նաև, որ ռուսական կողմը գտնվում է վավերացման գործընթացների վերջնական փուլում”,- ասվում է հաղորդագրության մեջ:
ArmAr.am
Դիտել Թուրքիա, Լրահոս, Ռուսաստան, Տարածաշրջան, Տնտեսություն բաժնի բոլոր նյութերը
