«Wikileaks». Ադրբեջանին զինում է Իսրայելը
Շնորհիվ Իսրայելի հետ սերտ կապերի Ադրբեջանը հնարավորություն է ստանում նոր սերնդի սպառազինությամբ զարգացնել սեփական բանակը։ Այս մասին հաղորդել է «Wikileaks»-ը։
Փաստաթղթերում նշվում է, որ Ադրբեջանը նման տեխնիկա չէր կարող ձեռք բերել ո՛չ ԱՄՆ-ից կամ Եվրոպայից՝ տարբեր իրավական սահմանափակումների պատճառով, ո՛չ էլ նախկին Խորհրդային Միության մատակարարներ Բելառուսից և Ուկրաինայից։
«Հայտնի չէ, թե հենց ինչ են գնել ադրբեջանցիները, միայն հայտնի է, որ հարյուրմիլիոնավոր դոլլարների գործարք է կնքվել»,-նշվում է հաղորդագրություններից մեկում։
ԱՄՆ պաշտպանության նախարարության վերջին հաշվետվության համաձայն՝ Ադրբեջանը անօդաչու թռչող սարքեր արտադրելու համար իսրայելական մի գործարանի հետ համատեղ ձեռնարկություն բացելու պայմանագիր է կնքել։ Այդ գործարանը 51%-ով պատկանելու է Ադրբեջանին։
Դիտել Ադրբեջան, Զինված ուժեր, Լրահոս, Տարածաշրջան բաժնի բոլոր նյութերը
