Արցախի Հանրապետության նախագահը քննարկել է էներգետիկ հարցեր
Դեկտեմբեր 13, 2010թ. 08:45
Արցախի Հանրապետության Նախագահ Բակո Սահակյանը դեկտեմբերի 11-ին ընդունել է Հայաստանի Հանրապետության էներգետիկայի եւ բնական պաշարների նախարար Արմեն Մովսիսյանին եւ <<ՀայՌուսգազարդ>> ՓԲԸ գլխավոր տնօրեն Կարեն Կարապետյանին:
Հանդիպման ընթացքում քննարկվել են էներգետիկայի ոլորտում երկու հայկական պետությունների միջեւ համագործակցությանը եւ համատեղ տարբեր ծրագրերի իրականացման հեռանկարներին առնչվող հարցեր:
Երկուստեք նշվել է, որ այս ոլորտում առկա են լուրջ հեռանկարներ, որոնք մեծապես կնպաստեն Արցախի սոցիալ-տնտեսական զարգացմանը:
Հանդիպմանը մասնակցում էին Արցախի Հանրապետության վարչապետ Արա Հարությունյանը, պաշտոնատար այլ անձինք:
Դիտել ԼՂ Հանրապետություն, Լրահոս բաժնի բոլոր նյութերը
