Նիդեռլանդներից անտրոպոլոգ (անտրոպոլոգիա` գիտություն մարդու մասին) Էնթոնի Հոլսլախն ասաց, որ իրեն շատ է հուզել Արշիլ Գորկու նկարը մոր հետ: Նրա խոսքով, հենց մոր աչքերից է երևում ցեղասպանության հետևանքով ապրած ծանր վիշտը:

‹‹Խորը տառապանք եմ ապրել Հայոց ցեղասպանության ուսումնասիրության ընթացքում: Հայկական սփյուռքի համար հետևանքները ծանր են, նրանք հիմա սպիտակ ցեղասպանություն են ապրում` համայնքներում մայրենի լեզուն վերանում է, կորցրել են հարազատներին, բռնությունը դառնում է ինքնության մաս››, – ասել է հոլանդացի գիտնականը: