Արցախա-ադրբեջանական զինուժի շփման գծում հակառակորդը դարձյալ խախտել է հրադադարի ռեժիմը:

Անցած շաբաթվա ընթացքում ադրբեջանական բանակի առաջապահ ստորաբաժանումները տարբեր տրամաչափի հրաձգային զենքերից ՊԲ դիրքերի ուղղությամբ արձակել են ավելի քան 550 կրակոց, որի հետեւանքով հայկական կողմն ունեցել է վիրավորներ:

ԼՂՀ պաշտպանության բանակի մամուլի ծառայությունից լրատվամիջոցներին տեղեկացնում են, որ հունվարի 14-ին ժամը 12.25-ի սահմանում շփման գծի հարավարեւելյան (Մարտունու) ուղղությամբ հակառակորդի կողմից արձակված գնդակից ձախ անրակի շրջանում հրազենային վիրավորում է ստացել շարքային զինծառայող 19-ամյա Վարդան Անդրանիկի Հարությունյանը:

Ժամը 12.50-ին տեղափոխվել է զինվորական հոսպիտալ: Վիճակը բավարար է:

Դեպքից մեկ օր անց` հունվարի 15-ին, ժամը 17.20-ի սահմանում, մեկ այլ միջադեպ է արձանագրվել արցախա-ադրբեջանական զորքերի շփման գծի արեւելյան հատվածում `Ասկերանի ուղղությամբ:

Հակառակորդի կողմից ձեռնարկված հերթական հրաձգության արդյունքում  վիրավորվել է ՊԲ շարքային զինծառայող 19-ամյա Խաչատուր Մուրադի Ասլանյանը: Վերջինս  տեղափոխվել է զինվորական հոսպիտալ: Բժիշկների տեղեկացմամբ, Խաչատուր Ասլանյանի վիճակը բավարար է:

ArmAr.am