Թուրքիայի վարչապետ Ռեջեփ Թայիփ Էրդողանը Newsweek-ի վերջին համարում հրապարակել է հոդված “Եվրոպայի առողջ մարդը” վերնագրով` ի հակադրություն Օսմանյան կայսրության նկատմամբ ժամանակին կիրառված անվանը: Էրդողանն անդրադարձել է Թուրքիայի` Եվրամիությանն անդամակցելու ճանապարհին առաջացած խոչընդոտներին և դրանց հնարավոր հետևանքներին: “Թուրքիան իր տպավորիչ տնտեսական աճով, քաղաքական կայունությամբ և համաշխարհային քաղաքականության մեջ աճող դերով կարող է խնդիրների առջև կանգնած Եվրամիությանը տալ այն ուժը, որի կարիքն այն ունի, սակայն 27 ազգերից բաղկացած կառույցին միանալու Անկարայի հայտը հանդիպում է որոշ անդամների աննախադեպ ընդդիմությանը: “Եվրոպական մեր ընկերները պետք է ընկալեն, որ Թուրքիայի և Եվրամիության հարաբերությունները արագ կերպով հասնում են իրենց ելակետին: Մենք այլևս այնպիսի երկիր չենք, որը կսպասի Եվրամիության դռների մոտ, ինչպես մի հլու մուրող”,- մասնավորապես ասվում է վարչապետի հոդվածում:

ArmAr.am