Օրերս Թուրքիայի պաշտպանության նախարար Վեժդի Գյոնուլը  Անկարայում հանդիպում է ունեցել բրիտանացի իր պաշտոնակից Լայամ Ֆոքսի հետ:

Հանդիպումը եղել է լրագրողների համար փակ: Հանդիպումից հետո կայացած համատեղ մամլո ասուլիսի ժամանակ Գյոնուլը ուրախությամբ հայտնել է, որ հանդիպումը եղել է շատ արդյունավետ:

Հանդիպման օրակարգում արդյունաբերական և ռազմական համագործակցությունն էր: «Թուրքիան մեր կարևորագույն դաշնակիցներից է: Մենք շատ ամուր ընկերություն ունենք: Մենք միասնական պատմություն ունենք: Եվ որն ավելի կարևոր է, ունենք միասնական հետաքրքրություններ»,-ասել է Մեծ Բրիտանիայի պաշտպանության նախարար Ֆոքսը:

Նախարարը հավելել է.«Մենք մշտապես աջակցել ենք ԵՄ-ին Թուրքիայի անդամակցմանը»: