Կառավարությունը որոշել է արագ արձագանքել քաղաքացիների հարցերին
Հունվար 27, 2011թ. 15:32
Այսօր տեղի է ունեցել ՀՀ կառավարության նիստ, որը վարել է ՀՀ վարչապետ Տիգրան Սարգսյանը։ Նիստից առաջ վարչապետը դիմել է ներկաներին` ընդգծելով քաղաքացիներին հուզող հարցերին նախարարությունների արագ արձագանքման կարևորությունը։ Տիգրան Սարգսյանը, մասնավորապես, նկատի է ունեցել ս.թ. հունվար ամսին կենսաթոշակների վճարման հարցում ծագած խնդիրները, որոնց վերաբերյալ պարզաբանում է տվել ՀՀ աշխատանքի և սոցիալական հարցերի նախարարը (վարչապետի ներածական խոսքը և նախարարի պարզաբանումը կայքում տեղադրվում են առանձին)։ Այնուհետև հաստատելով օրակարգը, կառավարությունը ձեռնամուխ է եղել որոշումների նախագծերի քննարկմանը։
ArmAr.am
Դիտել Լրահոս, Հասարակություն բաժնի բոլոր նյութերը
