ՄԱԿ-ի մարդու իրավունքների հարցերով գերագույն հանձնակատար Նավի Պիլլեյը կոչ է արել Թուրքիայի իշխանություններին ապահովել խոսքի ազատության  իրավունքը` լուրջ մտահոգություն հայտնելով լրագրողների վերջին ձերբակալությունների կապակցությամբ:

«Եթե հիմքեր կան ենթադրելու, թե լրագրողներից որևէ մեկը հանցագործություն է կատարել լրագրողական գործունեության ոլորտից դուրս, ապա այդ պատճառները պետք է թափանցիկ լինեն իրենց իսկ լրագրողների, նրանց փաստաբանների և մեզ բոլորիս համար»,- նշել է հանձնակատարի մամլո խոսնակ Ռուպերտ Քոլվիլլը` ավելացնելով, որ լրագրողների գործի հետաքննության շուրջ գաղտնիության մթնոլորտ է տիրում: