Բարոնուհի Քերոլայն Քոքսը Հայաստանում է ու այս անգամ նա մեր երկիր է   ժամանել իր գործընկերների ուղեկցությամբ, որոնցից ոմանք առաջին անգամ էին Հայաստանում: Ծաղիկներ դնելով Ցեղասպանության զոհերի անմար կրակի մոտ նա ասել է. «Ինձ համար շատ հաճելի է, որ այսօր Հայաստանում ինձ հետ են և Լորդերի պալատի, և Համայնքների պալատի ներկայացուցիչները, ովքեր ներառված են բրիտանահայկական կուսակցական խմբում և  նրանք հնարավորություն ունեն անձամբ տեսնել այս ամենը, ծանոթանալ հայ ժողովրդի պատմությանն ու հետևություններ անել: Մեզ համար շատ կարևոր է, որ մենք ոչ միայն Հայաստանում ենք, այլև մի վայրում, որը հիշատակում է Հայոց Ցեղասպանության զոհերին…Այցելեցինք Ցեղասպանության թանգարան, այն շատ հզոր թանգարան է և նույնպիսի հզոր տպավորություն է գործում այցելողի վրա»:  Ապա հավելել. «Ես ձեր հետ միասին միշտ հիշում ու ողբում եմ 1915թ-ի ողբերգությունը»: