Արևմտյան Հայաստանի Էրզրում քաղաքում, որն այսօր գտնվում է Թուրքիայի տարածքում, տեղի է ունեցել պայթյուն ուսումնարաններից մեկի վարչական շենքի առաջին հարկում գտնվող թեյարանում։

Պայթյունի արդյունքում վիրավորվել է 9 մարդ, որոնք տեղափոխվել են հիվանդանոց։ Միջադեպի պատճառները դեռ հայտնի չեն, սակայն հավանական վարկած է համարվում գազի արտահոսքը։

«Անադոլու» գործակալության փոխանցմամբ, Էրզրումի անվտանգության վարչության ղեկավարը նշել է, որ իրականացվում են պայթյունի պատճառների ուսումնասիրման աշխատանքները և մանրամասները կհաղորդվեն պարզ դառնալուն պես։

Նա հավելել է, որ միջադեպի պատճառ կարող է հանդիսացած լինել գազի արտահոսքը։

ArmAr.am