Թուրքիայի Բարձրագույն ընտրական խորհրդի (ԲԸԽ)՝ առաջիկա ընտրություններին քուրդ թեկնածուների մասնակցության վրա արգելք դնելու որոշումը բողոքի ցույցեր է առաջացրել Ստամբուլի, Դիյարբեքիրի, Վանի և Հաքքարիի փողոցներում, որոնց ընթացքում  բախումներ են տեղի ունեցել ոստիկանների հետ:  Ցուցարարները բախումների ընթացքում շենքերի վրա են նետել պայթուցիկ հեղուկով լի շշեր: Տեղեկացվում է նաև Դիյարբեքիրում ոստիկանի գնդակից վիրավորված ցուցարարի վերաբերյալ:

Նշենք, որ Թուրքիայի Բարձրագույն ընտրական խորհուրդը երկուշաբթի որոշում է կայացրել արգելք դնել 12 անկախ թեկնածուների՝ հունիսին կայանալիք խորհրդարանական ընտրություններին մասնակցելու վրա։ 12 թեկնածուներից 7-ը «Խաղաղություն և ժողովրդավարություն» կուսակցության աջակցությունը վայելող քուրդ քաղաքական գործիչներ են։

ArmAr.am