«Երիտասարդ գվարդիա» շարժումը, որը «Եդինայա Ռոսիա» իշխող կուսակցության երիտասարդական թեւն է, մտադիր է պահանջել Լենինի աճյունի թաղումը։

Ռուսական լրատվական գործակալությունների հաղորդմամբ, ապրիլի 22-ին, այսինքն՝ հեղափոխության առաջնորդի ծննդյան օրը, երիտասարդական շարժման ակտիվիստները պատրաստվում են ակցիա անցկացնել Կարմիր հրապարակում։ «Երիտգվարդիականների» կարծիքով, քաղաքի կենտրոնական հրապարակում Լենինի աճյունի պաշտանմունքը մնացել է տոտալիտար վարչակարգից։

Մամուլին տված հարցազրույցում ՌԴ նախագահի գործերի կառավարիչ Վլադիմիր Կոժինը նշել է, որ Լենինի եւ ԽՍՀՄ այլ գործիչների վերաթաղման հարցը բավականին բարդ է։

ArmAr.am