Թուրքիայի կառավարությունը   պատգամավորներին իրազեկել է, որ հոկտեմբերի 1-ին մեկնարկող  մեջլիսի նստաշրջանում քննարկվելու են  ինչպես քրդական խնդիրը, այնպես էլ հայ-թուրքական հարաբերությունների կարգավորմանը վերաբերող արձանագրությունները և սահմանների բացման հարցը:

Հայ–թուրքական հարաբերություններին առնչվող հարցերը   սկզբում կքննարկվեն մեջլիսի արտաքին հարաբերությունների կոմիտեում, այնուհետև, կներկայացվեն  Գերագույն ժողովին: Ըստ որոշ աղբյուրների,   արձանագրությունները լիագումար նիստի օրակարգում կհայտնվեն ամենաուշը հոկտեմբերի 10-12-ին:

Իսկ այս պահին  թուրքական ընդիմադիր ուժերը կազմակերպում են ակտիվ քննարկումներ: «Ազգային շարժում» ընդիմադիր  կուսակցության նախագահ Դեվլեթ Բահչերին այսօր հրավիրել է նիստ` «Երկրի կարևորագույն խնդիրները» խորագրով:

Ք.Մ.