Միջազգային կենդանաբանական բյուրոն տվյալներ է տարածել այն մասին, որ ԱՄՆ-ի ու Վրաստանի համապատասխան ինստիտուտների լաբորատորիաներում վրաց–ամերիկյան գիտնականների խումբը 2004-ից գաղտնի աշխատանքներ է իրականացրել տարատեսակ մանրէների ստեղծման և որոշակի վայրերում դրանց տարածման ուղղությամբ: Օրինակ, աշխատանքներ են տարվել խոլերայի հարուցիչի ու դրա  նոր տեսակների ստեղծման ուղղությամբ։ Այս մասին տեղեկացնում են ֆրանսիական լրատվամիջոցները, հավելելով, որ միջազգային կենդանաբանական բյուրոն այս փաստերը հաստատել է Վրաստանի տարածքի քաղցրահամ ջրերի  չորս տեղամասերից և Սև ծովի ափամերձ հատվածից վերցված ջրային պաշարների ուսումնասիրության արդյունքում: Հետազոտվել է 278 օրինակ ջուր, որոնցում  առկա են եղել  ինը տարբեր տեսակի «Vibrio choleraeե, այսինքն`  խոլերայի  հարուցիչներ։

Բյուրոյի տարածած արձանագրության համաձայն. երբ  կարճ ժամանակահատվածում տարածվում է համաճարակը,  մահացության թիվն աճում է 50%-ով, ու դրանով հանդերձ արդյունավետ պատվաստանյութը չի հայտնաբերվում,  խոլերան դիտարկվում է որպես կենսաբանական զենք։

Բուլղարական ինտերնետային կայքերն իրենց հերթին փոխանցում են, որ վրաց-ամերիկյան գիտնականների խումբն այդ ամենն իրականացրել է կենսաբանական զենքի տարածումը կանխարգելող ծրագրի անվան տակ:

Այսպիսով, արաց-ամերիկյան գիտնականների «համագործակցության» արդյունքում Վրաստանում սկսել են ի հայտ գալ տարաբնույթ հիվանդություններ. աֆրիկյան խոզի ժանտախտի տեղային դրսևորումներ, խոզի գրիպ, որից անցած տարի  21 մարդ մահացավ: Իսկ այս տարվա սկզբից Վրաստանում տարածվել է մի նոր` H3N2 գիրպի վիրուսը:

Այս տեղեկատվությունը, առավելապես անհանգստացնող է մեզ համար. պարզվում է  արհեստածին հիվանդությունների բռնկումը հիմնականում տարածված է Ջավախքում: Միջազգային լրատվամիջոցներն ի դեպ, հիշեցնում են, որ հիշյալ տարածքում բնակչության գերակշիռ մասը հայեր են։

ArmAr.am