Գերմանիայի կանցլեր Անգելա Մերկելի ինքնաթիռը  հարկադրված է եղել երկու ժամ անցկացնել Թուրքիայի օդային տարածքում՝ թույլտվություն չստանալով իրանական կողմից մուտք գործել այդ երկրի տարածք: Մերկելը այդ չվերթով ուղևորվելիս է եղել Հնդկաստան, որտեղից պետք է սկսեր իր ասիական շրջայցը:

Այս կապացությամբ Գերմանիայում Իրանի դեսպանը կանչվել է Գերմանիայի ԱԳՆ: Գերմանիայի ԱԳ նախարարը Իրանի այդ քայլը համարել է անընդունելի. “Դա ցուցադրել է Գերմանիայի նկատմամբ հարգանքի պակասը, ինչը չի կարող հանդուրժելի լինել”,-ասել է Գուիդո Վեստերվելլեն: