Ըստ քաղաքագետ Ստեփան Գրիգորյանի, Ֆրանսիայի Հանրապետության նախագահ Նիկոլա Սարկոզիի այցը տարածաշրջանային այց է: Ֆրանսիան ցանկանում է ակտիվ գործունեություն ծավալել այս տարածաշրջանում, այդ թվում նաև հակամարտությունների կարգավորմանը:

Քաղաքագետի կարծիքով Ֆրանսիայի ակտիվությունը  բավական օգտակար կլինի բոլոր երկրների համար, քանի որ նա  չեզոք միջնորդ է, ինչն անհրաժեշտ է  մեր նման զգայուն տարածաշրջանի համար:

«Պատահական չէ, որ Հարավային Կովկասի հակամարտությունների լուծման համար ԵՄ-ի կողմից նշանակված ներկայացուցիչը ֆրանսիացի դիվանագետ է»:

«Ֆրանսիայի դերը բավական կառուցողական է ԼՂՀ-ի կարգավորման հարցում, որի ապացույցը հիմնահարցը խաղաղ ճանապարհով լուծելու կոչն է»,-ասել է Գրիգորյանը