«Իրատես   de  facto» շաբաթաթերթի   «Եթե փողոցում «ջիպով տղեն լավ տղեն ա», ապա բանակում այդպես չպիտի լինի» հրապարակման մեջ լրագրողի կողմից մեջբերված ռազմական հոգեբան Դավիթ Ջամալյանի հետևյալ խոսքում`«Մարտական հերթապահություն իրականացնող զորամասերում 100-հոգանոց վաշտը վերահսկում է ընդամենը մեկ հրամանատար: Այսինքն, ունենք կադրային լուրջ խնդիր», հոգեբանի փոխանցմամբ, առկա է  որոշակի թյուրըմբռնում:

Այս առիթով ներկայացնում ենք Դավիթ Ջամալյանի մեկնաբանությունը:

«Տեղի  է ունեցել թյուրըմբռնում. խոսքս այն մասին է, որ  մարտական հերթապահություն իրականացնող վաշտի հրամանատարը պարտավոր է տվյալ հերթափոխի յուրաքանչյուր օր անձամբ ստուգել իրեն վստահված տեղամասի մարտական հենակետերը: Բնականաբար, նա ֆիզիկապես անկարող է միաժամանակ լինել բոլոր հենակետերում: Հետևաբար, վաշտի հրամանատարը  պետք է հենվի դասակի և ջոկի հրամանատարների վրա: Եթե դասակի ու ջոկի հրամանատարներն իրենց տեղում են, ապա վաշտի հրամանատարը կարող է հանգիստ լինել իրեն վստահված տեղամասում կազմակերպվող մարտական հերթապահության համար:  Տվյալ պարագայում մարտական հերթապահություն իրականացնող ստորաբաժանումներում դասակի և ջոկի հրամանատարի հաստիքները համալրված են: Խնդիրը կայանում է նրանում, որ այդ հաստիքները համալրած կադրերը կայանան իրենց պաշտոնական դիրքում և կարողանան վերահսկել իրենց վստահված ստորաբաժանումը»:

ArmAr.am