Ինչպես հայտնում է Armar.am-ի խորհրդարանական թղթակիցը, այս պահին Ազգային ժողովում  մեկնարկել  է «Նախաստորագրված արձանագրությունները և Հայաստան-Թուրքիա հարաբերությունների կարգավորման գործընթացը» թեմայով խորհրդարանական լսումները:

Նիստը նախագահում է ԱԺ Արտաքին հարաբերությունների  մշտական հանձնաժողովի նախագահԱրմեն Ռուստամյանը:

Բացման խոսքով հանդես եկած ԱԺ խոսնակ Հովիկ Աբրահամյանը հայտարարել է, թե սույն քննարկումը, որին մասնակցում են երկրի հեղինակավոր վերլուծական կենտրոնների ղեկավարներ, հասարակական կազմակերպությունների ներկայացուցիչներ,   փորձագետներ ու սփյուռքահայեր, ուր հավաքված է ողջ գիտական ներուժը, նպատակ ունի համազգային հնչեղություն տալ մեր երկրի համար այս շատ կարևոր խնդրին: «Քննարկումը կառուցողական նպատակներ է հետապնդում և այն պետք է Հայաստանն ու Սփյուռքը համախմբող դեր ունենա», – ասել է ԱԺ նախագահ Հովիկ Աբրահամյանը: Վերջինս նաև շեշտել է, թե  հայ-թուրքական հարաբերությունների կարգավորումը կարող է հանգեցնել Թուրքիայի կողմից Ցեղասպանության փաստի ճանաչմանը:

Այս պահին   ելույթ է ունենում արտգործնախարար Էդվարդ Նալբանդյանը: