Սևանը շրջապատող գյուղատնտեսական նշանակության հողատարածքները լճից այսօր ոչ մի կաթիլ կենարար հեղուկ չեն ստանում և մնում են անջրդի
«Սևանից ոռոգման նպատակով բաց թողնվող ջրի մասին խոսելիս մենք, չգիտես ինչու, նկատի ենք ունենում Արարատյան դաշտը, բայց չէ որ գյուղատնտեսությամբ են զբաղվում նաև լճին հարող մյուս գոտիներում», – «Փաստինֆո» լրատվական գործակալության թղթակցին ասաց «Տարածքային զարգացման և հետազոտությունների կենտրոն» Հ/Կ նախագահ Սաթիկ Բադեյանը:
Ըստ նրա՝ Սևանը շրջապատող գյուղատնտեսական նշանակության հողատարածքները լճից այսօր ոչ մի կաթիլ կենարար հեղուկ չեն ստանում և մնում են անջրդի, իսկ մարդիկ անգործ, քանի որ հողագործությամբ զբաղվել, երբ ոռոգման համար ջուր չկա, անիմաստ է:
Հասարակական կազմակերպության ղեկավարը գտնում է, որ Սևանից ջուր բաց թողնելու վճիռները չպետք է կայացվեն կամայականորեն, առանց այդ խնդրով շահագրգիռ կազմակերպությունների մասնակցության:
Հիշեցնենք, որ այս հարցն արծարծվում է Սևանա լճի մասին օրենսդրության մեջ փոփոխություններ կատարելու օրերս կառավարության առաջարկած նախագծի կապակցությամբ, համաձայն որի սահմանված 170 մլն խմ –ի փոխարեն առաջարկվում է գյուղատնտեսական նպատակներով լճից բաց թողնել 320 մլն խմ ջուր:
Դիտել TOP, Լրահոս, Հասարակություն բաժնի բոլոր նյութերը
