Առաջարկում են սիրիահայերին բնակվել Ջավախքում
Ռուսաստանի ջավախքյան սփյուռքը մտահոգված է սիրիահայության ճակատագրով: Նրանք հայտարարություն են տարածել, որում նշում են, որ ջավախահայերը անհրաժեշտության դեպքում պատրաստ են ժամանակավոր ապաստան տալ իրենց հայրենակիցներին:
«Հաշվի առնելով այդ հանգամանքը` մենք դիմում ենք վրացական իշխանություններին եւ բարեսիրտ վրաց ժողովրդին խնդրանքով` պարտադրված արտագաղթի դեպքում չխոչընդոտել սիրիահայերի ժամանմանը Սամցխե-Ջավախք եւ նրանց ժամանակավոր բնակեցմանը երկրամասի տարածքում: Խնդրում ենք դիտարկել պարտադրված տեղահանվածներին նյութական օգնություն ցուցաբերելու հարցը:
Մենք դիմում ենք Հայաստանի իշխանություններին` պատրաստ լինել հնարավոր օգնություն ցուցաբերել սիրիահայերին` Սամցխե-Ջավախք տեղափոխելու համար: Նաեւ խնդրում ենք վրացական իշխանությունների հետ նախապես համաձայնեցնել իրենց գործողությունները խնդիրներից ու տհաճություններից խուսափելու համար, այդ թվում` սահմանի հատման պարագայում»,- ասվում է դիմումի տեքստում:
ArmAr.am
Դիտել TOP, Լրահոս, Ջավախք բաժնի բոլոր նյութերը
