ՀՀԿ խմբակցության ղեկավար Գալուստ Սահակյանը 2008թ. մարտի 1-ի դեպքերը իրավական տեսանկյունից փակված չի համարում:
«Մարտի 1-ի էջն իրավական տեսանկյունց չի կարող փակված լինել, իսկ քաղաքական տեսանկյունից հարցը փակված ենք համարում։ Շատ են փորձում այս հարցը շահարկել եւ քաղաքականացնել, ամբողջ ազգի համար վիրավորական է միջադեպը գործիք դարձնելը, դա բավական ցավ արտահայտող իրավիճակ է»,- նշեց երեկ Գ.Սահակյանը:
Նա ասաց, որ խորհրդարանական ընդդիմության հետ հանդիպումները կարող են շարունակվել, եթե խմբակցությունները նման ցանկություն հայտնեն: Ազգային ժողովի արտահերթ նիստ անցկացնելու որոշում, սակայն, դեռեւս չի կայացվել: «Մարդիկ հուզված են, միտինգներ են անում, թող անեն, իշխանությունն էլ իր գործն է անում»,- ասաց Սահակյանը` նկարագրելով հետընտրական իրավիճակը: