«Եվրամիությունը մտադիր է ԼՂ հակամարտության կարգավորման հարցում համագործակցել Ռուսաստանի հետ»,- Ռուսաստան-Եվրամիություն գագաթաժողովի ավարտին(անցկացվել է հունիսի 3-4-ը, Ռուսաստանի Եկատերինբուրգ քաղաքում, քննարկման հիմնական թեմաներն էին՝ Սիրիայի ճգնաժամը և համաշխարհային տնտեսության վիճակը) հրավիրված մամուլի ասուլիսի ժամանակ հայտարարել է Եվրամիության խորհրդի նախագահ Հերման վան Ռոմպեյը:

Ադրբեջանական Apa.az կայքը տեղեկացնում է` Ռոմպեյը նշել է, որ այդ համագործակցությունը կարող է իրականացվել ղարաբաղյան խնդրի կարգավորման բանակցային ներկա գործընթացի սկզբունքների շրջանակում: «Սա լուծելի խնդիր է: Արդեն իսկ անհրաժեշտ է համաձայնեցնել ԼՂ հակամարտության համապարփակ կարգավորման սկզբունքները»,-նշել է նա: