«Մի ժողովուրդ, մի հասարակություն, որն իր մեջ ուժ չի գտել ուղիղ նայելու սեփական անցյալին եւ արդարացիորեն գնահատելու այն, բացահայտելու, դատապարտելու սեփական պատմության մութ էջերը եւ դրանով իսկ ազատվելու այդ ծանրությունից, դատապարտված է անհանգստության: Այսօր Թուրքիայում անընդհատ խմորումներ են տեղի ունենում, ոտնձգություններ ազգային, կրոնական փոքրամասնությունների հանդեպ:
Վերջերս Բուխարեստում տեղի ունեցած ֆորումը ընդունեց մի հայտարարություն ուղղված Լեվանտի (Միջերկրածովյան տարածաշրջանի արեւելյան հատվածի երկրներ՝ Թուրքիա, Իսրայել, Սիրիա, Լիբանան, Հորդանան, Եգիպտոս) երկրներին: Այն կոչ է անում՝ Լեվանտի պետություննե՛ր ու ժողովորդնե՛ր, հարգե՛ք ձեր պատմությունն ու համարձակություն ունեցեք առերեսվելու նրա մութ էջերին:
Եզրակացությունը մեկն է, քանի դեռ Թուրքիան չի դիմել այդ քայլին, հանգիստ չի կարող ունենալ»,- համոզված է թուրքագետ ՌՈՒԲԵՆ ՍԱՖՐԱՍՏՅԱՆԸ:

Թեգեր` Թուրքիա, պատմություն