«Չեմ կարծում, թե որեւէ մեկի համար գաղտնիք է կամ անակնկալ, որ Հայաստանն իր անվտանգության նկատառումներից ելնելով առավել սերտացնում է իր հարաբերությունները ռազմական դաշնակից Ռուսաստանի հետ: Հայաստանն ու Ռուսաստանը մեկմեկու համար կարեւոր, օգտակար երկրներ են, ի դեպ, Հայաստանը Ռուսաստանի համար կարեւոր է նաեւ հայապատկան Արցախով:
Վստահ եմ, որ ռուսական կողմի համար ձեռնտու է ուժեղ Հայաստանի գոյությունը: Մեր հեռահար շահերը համընկնում են, զուգահեռվում, ինչն էլ երկու երկրների միջեւ կնքած դաշինքը դարձնում է առավել արդյունավետ, դարձնում գործընկերային»,- նման կարծիք հայտնեց երեկ պաշտպանության նախարարի խորհրդական ԴԱՎԻԹ ՋԱՄԱԼՅԱՆԸ: