<Քաղաքական դաշտն ինչպես մաքրել ոչ քաղաքական, մարգինալ ուժերից>, այս թեմայի շուրջ Հայք կենտրոնի հրավիրած ասուլիսի հյուրերն են` ԳԽ եւ ԱԺ նախկին պատգամավոր Ազատ Արշակյանն ու երգահան Վահան Արծրունին:

Ստորև ներկայացնում ենք մի քանի լրատվամիջոցների արձագանքը.

Ազատ Արշակյան. «ԲՀԿ-ՀՀԿ հակամարտության մեջ կշահի նա, ով կկատարի մաքրման գործը»

Ազատ Արշակյանի կարծիքով՝ եթե ՀՀԿ-ն հաղթեց, ուրեմն՝ ինքն է տնօրինելու իրավիճակը «Այս պատմական շրջանի համար հատուկ է ունեցվածքի վերաբաշխումը»,- փետրվարի 21-ին «Հայք» մամուլի ակումբում լրագրողների հետ հանդիպման ընթացքում ասաց երգահան Վահան Արծրունին: Նրա խոսքերով՝ հասարակությունը մոտակա ամիսների կամ տարիների ընթացքում կտեսնի, թե ինչպես են վերաբաշխում ԲՀԿ առաջնորդ Գագիկ Ծառուկյանի ունեցվածքը եւ քաղաքական դաշտը. «Մենք կտեսնենք այն հոսքերը, որոնք կուսակցական հարթությունից կբերեն մարդկանց այլ կուսակցության հարթակներ: Դա ակնհայտ է, որովհետեւ հարաբերությունների որդեգրած այս համակարգը հատուկ է»:

Վահան Արծրունին նշեց, որ պատմությունում նման իրավիճակներում միշտ հայտնվել է երրորդ ուժ՝ անսպասելի առաջնորդ, որն ի զորու է փոխել իրականությունը: Նրա կանխատեսմամբ՝ եթե դա տեղի չունենա, այդ վերաբաշխումը կշարունակվի, բայց ըստ նրա ակնհայտ է, որ այդպես երկար շարունակվել չի կարող: ԳԽ եւ ԱԺ նախկին պատգամավոր Ազատ Արշակյանն էլ հավելեց՝ ԲՀԿ-ՀՀԿ հակամարտության մեջ կշահի նա, ով կկատարի մաքրման գործը, այսինքն՝ ով կվերաբաշխի մյուսի ունեցվածքը. «Եթե ՀՀԿ-ն կարողանա ապահովել առաջընթացի ծրագիր, ստանա հասարակության թեկուզ թույլ, բայց աջակցությունը, նա կվերաբաշխի ԲՀԿ-ի քաղաքական եւ նյութական ունեցվածքները: Այսինքն՝ եթե ՀՀԿ-ն հաղթեց, ուրեմն՝ ինքն է տնօրինելու իրավիճակը, բայց անպայման պետք է ունենա առաջընթացի ծրագիր, եթե ԲՀԿ-ն կարողացավ հաղթել, ստանալ հասարակության աջակցությունը իր առաջընթացի ծրագրով, ուրեմն՝ ԲՀԿ-ն կտնօրինի ՀՀԿ-ի ռեսուրսների»:

Ամի ՉԻՉԱԿՅԱՆ
www.aravot.am

Ազատ Արշակյան. «Վերեւից «պերեստրոյկա» է սկսվել»

Ազատ Արշակյանի կարծիքով՝ քաղաքական դաշտը փակուղի է մտել եւ այլեւս ինքն իրեն չի կարող մաքրել «Դեռեւս 10 տարի առաջ Հայաստանի Հանրապետության քաղաքական համակարգը կարող էր հավասարակշռվել եւ կարող էր ինքնամաքրման գործընթաց տեղի ունենալ»,- փետրվարի 21-ին «Հայք» մամուլի ակումբում լրագրողների հետ հանդիպման ընթացքում ասաց ԳԽ եւ ԱԺ նախկին պատգամավոր Ազատ Արշակյանը: Սակայն, այժմ, ըստ նրա, քաղաքական դաշտը փակուղի է մտել եւ այլեւս ինքն իրեն չի կարող մաքրել, Հայաստանում քաղաքական կյանքը գնում է դեպի անկում. «Այդ պատճառով հնարավոր է, որ Ռոբերտ Քոչարյանը, որը բավականին լուրջ տեղեկատվություն ուներ՝ իր պաշտոնի բերումով, եւ Սերժ Սարգսյանը, ըստ երեւույթի, պահը չէին գտնում: Ինձ մոտ աշխատում է կանխավարկածը, որ բոլորն ուզում են առաջընթաց, ինչքանով է ստացվում՝ դա առանձին հարց է: Ես կարծում եմ, որ այսօր մենք լավատես լինելու իրավունքն ունենք, որովհետեւ մի քանի շաբաթվա քաղաքական իրադարձությունները ցույց են տալիս, որ պահը հարմար է: Սա ինքնամաքրում չէ՝ ստիպողական մաքրման գործընթաց է սկսել»: Ազատ Արշակյանի կարծիքով՝ եթե իրավիճակը սրանար, ապա բացառված չէ, որ ինչ-որ մեկը Հայաստանում բռնապետություն հայտարարեր, բայց տեղի ունեցավ դասական օրինակը, որը պարոն Արշակյանը բնութագրեց «պերեստրոյկա» եզրույթով. «Վերեւից «պերեստրոյկա» է սկսվել, որովհետեւ պահը հարմար է, այսինքն՝ Հայաստանին պարտադրվեց այս վիճակը: Ռուսները հույս ունեն, որ կվերադարձնեն իրենց կայսրությունը, այդ պատճառով բոլոր հետ սովետական հանրապետություններում հատուկ քաղաքականություն տարվեց, եւ ՀԱՊԿ-ը, ԱՊՀ-ն եւ էներգետիկ, տնտեսական բոլոր ռեսուրսները գտնվում են ռուսամետ կամ ռուսական ազդեցության տակ գտնվող կապիտալիստների ձեռքում: Հայաստանը վարկաբեկվեց, ամեն ինչ արվեց, որ հակահերոսները դառնան հերոս»:

Ամի ՉԻՉԱԿՅԱՆ
www.aravot.am

Վահան Արծրունի. «Այստեղ չկա քաղաքականություն»

Վահան Արծրունու խոսքերով՝ այստեղ անհասկանալի խայտաբղետ մի պատկեր է , որտեղ ինքը տեսնում է միայն շահի գերակայության հանգամանքը «Անկիրթ մեծամասնությունը ձեւավորում է անկիրթ իրականություն»,- փետրվարի 21-ին «Հայք» մամուլի ակումբում լրագրողների հետ հանդիպման ընթացքում ասաց երգահան Վահան Արծրունին: Նրա խոսքերով՝ այդ իրավիճակում խորտակվում է քաղաքականությունը, մշակույթը, միջանձնային հարաբերությունները: Այդ իրավիճակը ձեւավորում է նաեւ բարքեր եւ հարաբերությունների տեսակ, որը որ դառնում է օրենք. «Դա արտահայտվում է ե՛ւ իշխանական խավում, ե՛ւ բիզնեսի մեջ, ե՛ւ միջանձնային հարաբերությունների մեջ, այսինքն՝ եթե մենք փորձենք այս ոլորտների ընդհանուր նկարագիրը տալ, մենք կտեսնենք, որ յուրաքանչյուր հարթության մեջ գործում է նույն ալգորիթմը: Մենք պետք է հասկանանք, որ մի փուլում ենք, որտեղ գոյություն չունի օրենք, քաղաքակրթությանը վայել որեւէ կանոն, այլ գոյություն ունի մի գործոն՝ շահը, որը թելադրում է որոշակի գործողություններ, այսինքն՝ շահ, որը ենթակայացնում է իրեն հսկայական ցանկությունը եւ իշխանության մեջ մտնելու մոլուցքը»: Պարոն Արծրունին, անդրադառնալով ներքաղաքական իրավիճակին, ասաց, որ ընտրակեղծիքի շնորհիվ իշխանության եկած քաղաքական ուժերը փորձեցին դիմել հանրությանը՝ արդարության սպասումով. «Իբրեւ թե հանրությունը պետք է ինքնադրսեւորվի եւ ճիշտ ուղղու վրա դնի քաղաքական ընթացքը: Լավ է, որ ճիշտ պահին հասկացան՝ հույս պետք չէ դնել հանրության վրա, եւ բնականաբար, իրենց հույսն այն ընտրազանգվածի վրա էր, որին ժամանակին կաշառել էին եւ փաստորեն, գնել էին իրենց վերաբերմունքը: Շատ լավ հասկացան, որ այդ հատվածի հիմնական սպասումը դարձյալ այդ 5-15 հազար դրամը պետք է լինի: Այսինքն՝ մենք տեսնում ենք՝ այս պարագայում չենք կարող խոսել քաղաքականության մասին, որովհետեւ ինքը ապաքաղաքական իրավիճակ է, այստեղ չկա քաղաքականություն, այստեղ անհասկանալի խայտաբղետ մի պատկեր է , որտեղ ես տեսնում եմ միայն շահի գերակայության հանգամանքը»:

Ամի ՉԻՉԱԿՅԱՆ
www.aravot.am

Ինչպե՞ս կավարտվի ՀՀԿ-ԲՀԿ պայքարը. պարզաբանում են Վ. Արծրունին և Ա. Արշակյանը
ՀՀԿ-ի և ԲՀԿ –ի մեջ հակասություն չկա. կողմերն ունեն ունեցվածքի վերաբաշխման խնդիր:
«Տարերային կապիտալիզմի բնորոշումներից մեկը ունեցվածքի վերաբաշխումն է: Մեր ներկա քաղաքական վիճակի համար նման վերաբաշխումը նորմալ է: Ապագայում մենք կտեսնենք, թե ինչպես կվերաբաշխվեն Ծառուկյանի ունեցվածքը և քաղաքական այլ հոսքերը»,-այսօր լրագրողների հետ հանդիպմանն ասաց կոմպոզիտոր Վահան Արծրունին:
Վերջինս ընգդծեցˋ պատմությունը ցույց է տալի, որ նման ճգնաժամերից պետությունները դուրս են գալիս երրորդ ուժի հանդես գալուց հետո:
Հանդիպման մյուս բանախոս ԳԽ և ԱԺ նախկին պատգամավոր Ազատ Արշակյանն էլ ՀՀԿ-ԲՀԿ հակամարտության մեջ կարևորեց կուսակցությունների կողմից առաջընթացի ծրագրի մշակումը:
«ԲՀԿ և ՀՀԿ հակամարտության մեջ կշահի նա, ով մաքրման գործը կկատարի և վերաբաշխի մյուսի ունեցվածքը: Եթե ՀՀԿ-ն առաջընթացի ծրագիր մշակի, որով կարժանանա հասարակության թեկուզ մի ստվար հատվածի հավանությանը, ապա կլինի իրավիճակի տիրողը: Իսկ եթե նման ծրագիր կարողանա մշակել ԲՀԿ-ն, ապա ինքը կհաղթի հակամարտության մեջ և կտնօրինի ՀՀԿ-ի ռեսուրսները»,-եզրափակեց բանախոսը:
Ինչ վերաբերում է երրորդ ուժի առաջ գալուն, ապա Ազատ Արշակյանը նշեց, որ ստեղծված իրավիճակում համապատասխան ծրագրի մշակման դեպքում կուսկացություններն իրենք կարող են լուծել հարցը և երրորդ կողմի միջամտության կարիք չկա:

Վարդուհի Ստեփանյան
araratnews.am

Վահան Արծրունի. «Այս իրականությունը տագնապալի է, ելքի զգացողություն չի ենթադրում, մենք բոլորս թաղված ենք այդ տիղմի մեջ»

«Քաղաքականությունն էլ է համընդհանուր կուլտուրայի դրսևորումներից մեկը, այսինքն՝ պատկերացրեք՝ ի՞նչ կարող եք պահանջել անկիրթ մարդուց, և ինչ՝ կրթված մարդուց, տարբեր է»,- այսօրվա ասուլիսի ժամանակ` խոսելով Հայաստանի ներքաղաքական իրավիճակի մասին՝ նման տեսակետ հայտնեց երգիչ, երգահան Վահան Արծրունին:

Նրա խոսքով՝ անկիրթ մեծամասնությունը ձևավորում է անկիրթ իրականություն, անկիրթ միջավայր և այդ անկրթությանը, այդ իրավիճակին հարիր կամ հատուկ որոշակի մթնոլորտ և հարաբերությունների տեսակ է առաջարկում, որի մեջ կարող է խորտակվել և՛ մշակույթը, և՛ քաղաքականությունը, և՛ միջմարդկային հարաբերությունները: «Այդ իրավիճակը ձևավորում է բարքեր և որոշակի տեսակ, մեր պարագայում՝ հարաբերությունների շատ անհասկանալի տեսակ, որը դառնում է օրենք՝ և՛ իշխանական խավի մեջ, և՛ բիզնեսի ոլորտում, և՛ քաղաքացիական կյանքում, և՛ միջմարդկային հարաբերությունների մեջ:

Եթե մենք փորձենք այս բոլոր ոլորտների նկարագիրը տանք, մենք կտեսնենք, որ յուրաքանչյուր հարթության մեջ գործում է նույն ալգորիթմը: Մենք դեռ պետք է հասկանանք, որ այն փուլում ենք, որտեղ գոյություն չունի օրենք, որտեղ գոյություն չունեն քաղաքակրթությանը վայել որևէ կանոններ, այլ գոյություն ունի ընդամենը մի գործոն՝ շահ, որը թելադրում է որոշակի գործողություններ, այսինքն՝ շահ, որը ենթակայացնում է իրեն՝ իշխանության մեջ մտնելու և իրականությունը իր տեսակին հարմարեցնելու այդ հսկայական ցանկությունը և մոլուցքը»,- նշում է երգահանը:

Ըստ նրա՝ վերջին 22 տարիների ընթացքում մենք այդ վեկտորով ենք շարժվել, և այսօր փաստում ենք, որ մի կողմից ընտրակաշառք երևույթը, կարծես թե, թելադրված է այն զանգվածներում, որոնք ձգտում են իշխանության, բայց մի կողմից էլ՝ այդ ընտրակաշառք ընդունողներն էլ կան, որոնք քիչ չեն, այնքան շատ են, որ կարող են քաղաքական իրավիճակը փոխել. «Իսկ եթե այդ հանրային տարրը, այդ հանրության հատվածը ի զորու է փոխել իրականությունը, ուրեմն՝ նա վտանգավոր է, որովհետև իրեն շատ հեշտ է շահարկել և օգտագործել՝ ընդամենը 5-15 հազար դրամով:

Փաստորեն այն ուժերը, որոնք այդ ճանապարհով եկան իշխանության, փորձեցին դիմել հանրությանը՝ արդարության և չգիտեմ ինչի սպասումով, իբրև թե, հանրությունը պետք է ինքնադրսևորվի և ճիշտ ուղու վրա դնի քաղաքական ընթացքը: Լավ է, որ ճիշտ պահի հասկացան, որ հույսը պետք չէ դնել այդ հանրության վրա, որովհետև, բնականաբար, իրենց հույսը այն ընտրազանգվածի վրա էր, որին իրենք ժամանակին կաշառել էին և փաստորեն գնել էին հանրության այդ հատվածի վերաբերմունքը, շատ լավ հասկացան, որ հիմնական սպասումը հանրության այդ հատվածի դարձյալ այդ 5-15 հազար դրամը պետք է լինի:

Մենք տեսնում ենք, որ այս պարագայում քաղաքականության մասին մենք չենք կարող խոսել, որովհետև իրականում ապաքաղաքական իրավիճակ է: Այսինքն՝ այստեղ չկա քաղաքականություն, այստեղ անհասկանալի մի խայտաբղետ պատկեր է, որի մեջ ես տեսնում եմ միայն շահի գերակայության հանգամանքը»:

Վ. Արծրունին կարծում է՝ իրականում իրականությունը տագնապալի է, ելքի զգացողություն չի ենթադրում. «Ինքը չի առաջացնում որևէ մեկի մոտ ելքի զգացողությունը, մենք բոլորս թաղված ենք այդ տիղմի մեջ, շատ լավ գիտակցելով՝ որ այս մոդելն ու տեսակը, որի մեջ մենք հանկարծ հայտնվեցինք, չի էլ ենթադրում ելք, և մենք չենք կարող մերվել այս իրականությանը»:

168.am

«Մենք կտեսնենք՝ մոտակա ամիսների ընթացքում ինչպես է վերաբաշխվելու Ծառուկյանի ունեցվածքը»

Ինչ իրադարձություն էլ տեղի ունենա քաղաքական կյանքում, ինչ պատմական իրադարձությունների մեջ էլ լինի յուրաքանչյուր պետություն, բավական է դուրս գալ փողոց, մոտենալ պատահական մարդու և հարցնել՝ դու երջանի՞կ ես քո սեփական երկրում, և դուք կստանաք ճշգրիտ պատասխանը, որը կբնութագրի այն իրականությունը, որի մեջ է այդ մարդը: Այս կարծիքին է երգիչ, երգահան Վահան Արծրունին, որն այսօր՝ լրագրողների հետ հանդիպման ժամանակ, խոսելով Հայաստանի ներքաղաքական իրավիճակի, ԲՀԿ-ՀՀԿ հակամարտության մասին, նշեց, որ երբ մտանք նոր պատմական շրջան, պատերազմ կար, որոշ հայ տղաներ ճակատն էին պահում, իսկ դրան զուգահեռ՝ ուրիշ տղաները սկզբից խորովածանոցներ բացեցին, հետո այդ սեղանիկ-խորովածանոցը դարձավ հյուրանոց. «Անցան տարիներ, այս տեղերքից ոմանք մնացին խրամատներում խփված, ոմանք վերադարձան հետ ու տեսան, որ այս նույն ժամանակահատվածում մյուս տեղերքը հարստացան ու հարստանալուց հետո նաև մտան իշխանության մեջ: Այսինքն՝ բացահայտ են այդ բոլոր մեխանիզմները, ու մենք տեսնում ենք, թե ովքեր՝ ինչ ճանապարհներով են մտել՝ սկզբից բիզնես ոլորտ, հետո՝ քաղաքականություն, իսկ հետո՝ փակուղի, որովհետև այն մտայնությունը, որ քեզ թույլ է տալիս ճարպիկ ճանապարհ գտնել մանղալ բռնելու, այդ նույն մեխանիզմը բավարար չէ, երբ դու մտած ես քաղաքականության մեջ, և, առավել ևս, բավարար չէ, երբ իշխանության ղեկն է քո ձեռքին»: Խոսլեով ԲՀԿ-ՀՀԿ հակասության մասին՝ Վ. Արծրունին շեշտեց, որ իրականում հակասություն չկա. «Տարերային կապիտալիզմի բնորոշումներից մեկն է ունեցվածքի վերաբաշխումը: Այսինքն՝ այս պատմական շրջանի համար հատուկ է այս վերաբաշխումը: Մենք կտեսնենք՝ մոտակա ամիսների ընթացքում ինչպես է վերաբաշխվելու Ծառուկյանի ունեցվածքը, կտեսնենք՝ ինչպես է վերաբաշխվելու նույնիսկ քաղաքական դաշտը, որովհետև մենք կտեսնենք այն հոսքերը, որոնք այս կուսակցական հարթությունից կբերեն մարդկանց այլ կուսակցական հարթակներ»: Երգահանը նկատեց, որ նման իրավիճակներում միշտ ի հայտ է գալիս երրորդ ուժը. «Նման իրավիճակները ծնում են ինչ-որ մի քաղաքական հանգամանք, անսպասելի դրսևորում, անսպասելի լիդեր, որն ի զորու է փոխել իրականությունը: Եթե դա տեղի չունենա, որոշ ժամանակ այդ վերաբաշխումը կշարունկավի, բայց ակնհայտ է, որ դա երկար չի կարող տևել»: ԳԽ նախկին պատգամավոր Ազատ Արշակյանն էլ նշեց, որ ԲՀԿ- ՀՀԿ հակամարտության մեջ կշահի նա, ով կկատարի մաքրման գործը, այսինքն՝ ով կվերաբաշխի մյուսի ունեցվածքը. «Եթե ՀՀԿ-ն կարողանա ապահովել առաջընթացի ծրագիր, ստանա հասարակության աջակցությունը, նա կվերաբաշխի ԲՀԿ-ի ունեցվածքը: Եթե ՀՀԿ-ն հաղթեց ինքն է տնօրինելու իրավիճակին, բայց անպայման պետք է ունենա առաջընթացի ծրագիր, եթե ԲՀԿ-ն կարողացավ հաղթել, ուրեմն՝ ԲՀԿ-ն կտօրինի ՀՀԿ-ի ռեսուրսներին: Կարծում եմ՝ հիմա դա է որոշվում: Եթե խոսքը գնում է ընդամենը հակառակորդին, ունեցվածքը ոչնչացնելու, ազդեցությունը վերաբաշխելու մասին, դա մեզ օգուտ չէ, ոչ էլ իրեն է օգուտ, որովհետև 3-րդ ուժը կգա ու շատ խիստ կպատժի իրեն»: 168.am-ի հարցին՝ տեսնո՞ւմ են հիմա իրենք այդ 3-րդ ուժին՝ և՛ Վ. Արծրունին, և՛ Ա. Արշակյանը պատասխանեցին՝ չեն տեսնում:

Անի Քեշիշյան
168.am

«Ծառուկյանի ունեցվածքը կվերաբաշխվի, ու մարդկանց մի կուսակցությունից կբերեն մյուսը»

Քաղաքական դաշտում չկա հավասարություն: «Հայք» վելուծական-տեղեկատվական կենտրոնում այսօր հայտարարեց ԳԽ և ԱԺ նախկին պատգամավոր Ազատ Արշակյանը՝ խոսելով «Քաղաքական դաշտն ինչպես ազատել ոչ քաղաքական, մարգինալ ուժերից» թեմայով:

Պարոն Արշակյանը նկատեց, որ ժողովրդավարության գլխավոր գործիքը կուսակցություններն են, ու այդ նպատակով պետք է ունենան թափանցիկ ֆինանսավորում:

Երգահան, կոմպոզիտոր Վահան Արծրունիի կարծիքով՝ քաղաքականությունն էլ է կուլտուրա. «Ինչ կարող ենք պահանջել անկիրթ եւ կիրթ մարդկանցից: Եթե մենք զննեք բոլոր ոլորտերը, բոլոր հարթություններում նույն բանաձեւն է գործում. մենք հիմա մի փուլում ենք, որտեղ գոյություն դեռ չունեն քաղաքակրթությանը բնորոշ օրենքներ, այլ կա միայն շահ, որը ենթադրում է որոշակի գործողություններ՝ իշխանության մեջ մտնելու մոլուցք ու իր տեսակին հարմարեցնելը»:

Ըստ նրա՝ քաղաքականությունն առանց բարոյականության առ ոչինչ է ու վտանգավոր է դառնում ամբողջ աշխարհի համար. «Տագնապալի է այս իրականությունը, ելքի զգացողություն չի ենթադրում ու չի առաջացնում: Մենք բոլորս թաղված ենք այդ իրականության տիղմի մեջ: Այս զգացողությունը կա բոլոր հարթություններում՝ թե իշխանությունների, թե բիզնեսմենների, թե հասարակ քաղաքացու մոտ»:

Անդրադառնալով ներքաղաքական իրադարձություններին, մասնավորապես ՀՀԿ-ԲՀԿ հակասություններին, հաշտեցմանն ու այս ֆոնին հասարակության մասնակցությանն ու կուսակցությունների վարկանիշին, Ազատ Արշակյանը նշեց, որ մի տասը տարի առաջ կարող էր քաղաքական դաշտն ինքնամաքրվել. «Դա այն ժամանակ հույս էր տալիս, որ ՀՀ-ն առողջացման, առաջադիմության կուրս կվերցնի: Հիմա մենք հասանք նրան, որ փակված են բոլոր ուղիները, փակուղի է ու այլեւս ինքն իրեն չի կարող մաքրել, քաղաքական կյանքը գնում է անկում, վերարտադրման, քաղաքական կոռուպցիան ինքնակործանման է գնում: Ես լավատես եմ՝ բոլորը առաջընթաց են ուզում, ինչքանով է դա ստացվում՝ այլ հարց է»:

Ըստ նրա՝ հիմա պահը հարմար է. հարկադրական, ստիպողական մաքրման պրոցես է սկսվել. «Եթե գնաց սրացում, քաղաքական լյումպենները հակասոցիալական տարրերը հասել են իշխանության, նրանք անպայման կտանեին արյունահեղ բախման: Բացառված էր, որ ՀՀ-ում դիկտատուրա հայտարարվեր ու վեց ամսում ցրեր այն իշխանության ուժերը, որոնք կենսունակ չեն: Հիմա գնաց դասական տարբերակը՝ պերեստրոյկա եղավ… Այդ բառն օգտագործեմ, քանի որ ԵՏՄ-ում հիմա այդ բառապաշարը պետք է օգտագործենք: ՀՀ-ին պարտադրվեց այս վիճակը: Անուններով խսեմ՝ ԵԿՄ-ն վերից ներքեւ վերացրեք ու ջնջեք, դա ապապետական կենտրոն է, դրանք հակահերոսներ են, տգետների խումբ: Այսօր հարուստ մարդ լինել, նշանակում է կամ ամբողջական քրեական լինել, կամ կիսաքրեական»:

Խոսելով ԲՀԿ-ի քաղաքականությունից, պարոն Արշակյանը նկատեց. «Մի բանասեր մարդ չկա՞ր ԲՀԿ-ում, որ հնչեղ անուն դնեին կուսակցությանը: Այսօր կարծիք են հարցնում նրանցից, ասում են՝ չունեմ: Մի անգամ հայկական ռադիոյին հարցնում են՝ վաղը եղանակն ինչպիսի՞ն կլինի, ասում է՝ կասեմ վաղը չէ մյուս օրը: Նույն բանն է»:

Վահան Արծրունին իր կողմից նկատեց՝ եթե դուրս գանք ու պատահական անցորդից հարցնենք՝ դու երջանի՞կ ես քո երկրում, դա արդեն կբնութագրի մեր վիճակը. «Եթե համակարգված չէ կյանքը պետության ներսում, ստանում ենք այնպիսի մի հարմար տարբերակ իշխանության մեջ ինքնադրսեւորվելու ու սեփական շահը պաշտպանելու, առաջ տանելու, որը դառնում է անտեսանելի: Հիմա ունեցվածքի վերաբաշխում է կոնկրետ ՀՀԿ-ԲՀԿ հակասության պարագայում, ու հիմա ֆիզիկական, թե քաղաքական իմաստով կվերցվեն դաշտից, դա էական չէ: Մենք շուտով կտեսնենք՝ ինչպես Ծառուկյանի ունեցվածքը կվերաբաշխվի ու մարդկանց մի կուսակցությունից կբերեն այլ կուսակցության հարթակ, քանի որ դա այս համակարգին բնորոշ է»:

Ըստ նրա՝ նման իրավիճակներում միշտ ի հայտ է գալիս երրորդ ուժը, անսպասելի լիդեր է ծնվում. «Եթե դա տեղի չունենա, որոշ ժամանակ այդ վերաբաշխումը կշարունակվի: Լիդերը կլինի քաղաքական դաշտից. Հասարակությունն այլեւս ի վիճակի չէ ծնել լիդերներ»:

a1plus.am

Քաղաքական դաշտը մաքրելու համար նախ պետք է ազատվել ընտրակաշառքից. Ազատ Արշակյան

ԲՀԿ և ՀՀԿ հակամարտության մեջ կշահի նա, ով մաքրման գործը կկատարի:
Այսօր լրագրողների հետ հանդիպման ժամանակ ասաց Ազատ Արշակյանը:

Նրա խոսքով` եթե ՀՀԿ-ն առաջընթացի ծրագիր մշակի ու արժանանա հասարակության թեկուզ մի հատվածի հավանությանը, ապա կլինի իրավիճակի տիրողը: «Իսկ եթե նման ծրագիր կարողանա մշակել ԲՀԿ-ն, ապա ինքը կհաղթի հակամարտության մեջ և կտնօրինի ՀՀԿ-ի ռեսուրսները»,-ասաց նա:

Նա նշեց, որ եթե քաղաքական դաշտում շարունակվեր սրացումը արյունահեղ բախումներ տեղի կունենային, քանի որ հակասոցիալական տարրերը գերիշխում են:

Ազատ Արշակյանը գտնում է, որ ոչ քաղաքական, մարգինալ ուժերից ազատվելու համար նախ պետք է ազատվել ընտրակեղծիքից. «ՀՀ կյանքը բաժանված չէ ՀՀ քաղաքացիների համընդհանուր ամբողջական կյանքից: ՀՀ բոլոր քաղաքացիները հավասար իրավունքներ ունեն, բայց հարց է առաջանում, թե արդյո՞ք մեր քաղաքական կյանքում կա հավասարություն: Ես կարծում եմ, որ հավասարությունը մեզանում բացակայում է, որովհետև Հայաստանում չկա մի կարևոր ինստիտուտ, որն էˋ ընտրակաշառքի բացառման ինստիտուտը»,- ասաց նա:

Նրա խոսքով` քաղաքական դաշտը մաքրելու համար նախ պետք է այնպես անել, որ ընտրակաշառքի միջոցով ոչ մեկ չհասնի իշխանության: Հետո պետք է ստեղծել պատժիչ համակարգը:

Ըստ նրա` ստեղծված պահը հարմար է վերակառուցման համար. «Այսօր մեր քաղաքական դաշտում ստիպողական մաքրման պրոցես է սկսվել: Սա նորմալ է, որովհետև բոլորն ուզում են առաջընթաց»:

Ըստ Ազատ Արշակյանիˋ արվելիք կարևոր քայլերից մեկը պետք է լինի կուսկացությունների թափանցիկ ֆինանսավորման սկզբունքը:

ankakh.com

ՀՀԿ-ԲՀԿ պայքարում կշահի նա, ով կվերաբաշխի մյուսի ունեցվածքը. Ազատ Արշակյան

«Քաղաքական կյանքը բաժանված չէ մեր ամբողջական համընդհանուր կյանքից. բոլորը հավասար իրավունք ունեն ընտրելու և ընտրվելու: Արդյո՞ք կա հավասարություն: Ես կարծում եմ, որ չկա: Չկա ընտրակեղծիքի բացառման ինստիտուտը Հայաստանում: Իննսունական թվականներին ԳԽ ժամանակ մի քանի դեպք է եղել, երբ պատգամավորի մանդատն ընտրակաշառքի պատճառով չեղյալ է համարվել: Իննսուն թվին մի քանի մարդ զրկվեցին մանդատից»,-լրագրողների հետ հանդիպման ժամանակ ասաց Գերագույն խորհրդի նախկին պատգամավոր Ազատ Արշակյանը:

Արշակյանը նշեց, որ իր կարծիքով, ընտրակաշառքի բացառումը առաջին տեղում պետք է լինի, իսկ երկրորդ, պետք է լինեն ռեպրեսիվ, պատժիչ միջոցներ դրանք բացառելու համար:

«Կուսակցությունները ժողովրդավարական երկրում պետք է թափանցիկ ֆինանսավորում ունենան»,- ասաց նախկին ԳԽ պատգամավորը:
«Հիմա ՀՀ քաղաքական կյանքը ինքնակործանման է գնում, բայց, միևնույն ժամանակ, այս պահը հարմար է վերակառուցման համար: Այսօր մեր քաղաքական դաշտում ստիպողական մաքրման պրոցես է սկսվել: Սա նորմալ է, որովհետև բոլորն ուզում են առաջընթաց»,-նշեց Արշակյանը:

Վերջին քաղաքական զարգացումներին անդրադառնալով՝ Արշակյանը նշեց, որ այսօր որոշակի «պերեստրոյկա» է տեղի ունենում:
«ՀՀԿ-ԲՀԿ պայքարում կշահի նա, ով կվերաբաշխի մյուսի ունեցվածքը: Եթե ՀՀԿ-ն կարողանա առաջընթացի ծրագիր կազմել, կտնօրինի իրավիճակը: Եթե ԲՀԿ-ն կարողացավ առաջարկ անել հասարակությանը առաջընթացի, ուրեմնա նա կտնօրինի ՀՀԿ-ի ռեսուրսներին: Նա կհաղթի, ով ճգնաժամից կհանի Հայաստանը»,- հայտարարեց Արշակյանը:

Այն հարցին, թե ինչ դերակատարություն կարող են ունենալ մտավորականները ստեղծված իրավիճակում, Արշակյանը պատասխանեց. «Մտավորականը գոյություն ունեցող համակարգի բարեկիրթ ընդդիմախոսն է: Խոսքս բյուրոկրատիայի մասին չէ: Մտավորականները բարեփոխողներ են, որոնց դուրս մղեցին քաղաքականությունից հատուկ: Մենք ասյօր ունենք այն, ինչ ունենք՝ մնում է հեռանալ, քանի որ մտավորականի համար ստեղծագործելու պայմաններ չկան: Սպառվեց սա, հայկական պետությունը չի կարող կործանվել, այն պետք է լինի մտավորական, այլ ռեսուրս մենք չունենք: Եթե մենք ունենայինք այլ ռեսուրսներ, մեր միակ ռեսուրսը կուլտուրան է: Եթե մեզ համար շանս է ստեղծվել օբյեկտիվորեն, սա տաժանակիր էր, մենք ապացուցեցինք, որ հայրենաբնակ մարդիկ ենք այս ծանր պայմաններում, ուրեմն մենք դրան արժանի ենք: Մտավորականը կարող է լինել նաև ադմինիստրատիվ մտավորական: Մեր նավթն էլ դա է»,- ընդգծեց նա:

Panorama.am