«Այսօր շատ կարևոր է, որ համատեղվեն  Հայաստանի և Սփյուռքի   ջանքերը Ցեղասպանության ճանաչման գործում, և սխալ է  այդ գործընթացը  թողնել միայն Սփյուռքին», – ասել է  ՀՅԴ  Հայ դատի և քաղաքական հարցերի գրասենյակի ղեկավար Կիրո Մանոյանը:

Նա նշել է, որ եթե անգամ այս արձանագրությունները վավերացվեն, ՀՀ-ն  պետք է Թուրքիայից պահանջի վերացնել այն բոլոր օրենքները, որոնք արգելում են այդ երկրում խոսել Հայոց Ցաղասպանության փաստի մասին: «Երկու ժողովուրդների մեջ փոխվստահության վերականգնման դեմ քայլեր են Թուրքիայի նախագահի և վարչապետի հայտարարություններն այն մասին, թե Սփյուռքին պետք չէ հաշվի առնել, որ Սփյուռքը չպետք է խանգարի Հայաստան-Թուրքիա հարաբերություններին»:

Կիրո Մանոյանը միաժամանակ  դեմ արտահայտվեց փաստաթղթի այն կետին, ուր խոսվում է  միջկառավարական երկկողմ հանձնաժողովներ ստեղծելու մասին, նկատելով, որ խիստ կասկածելի է նաև դրանց կազմը:

Նա նաև համոզված է, որ Թուրքիան այս փաստաթուղթն օգտագործելու է որպես Հայոց Ցեղասպանության ճանաչման գործընթացը կասեցնելու միջոց:

Կարինե Պետրոսյան