Հայաստանի ժամանակով 19:59 րոպեին` Հայաստանի նախագահ Սերժ Սարգսյանի պատվիրակությունը ժամանեց «Ալմիրա» հյուրանոց: Հյուրանոցի բակում նրան դիմավորեց Թուրքիայի նախագահ Աբդուլա Գյուլը: Երկու նախագահները, պաշտոնական ընդունված ձեռքսեղմումից հետո, մտան հյուրանոց:

Տեղեկացնենք, որ հյուրանոցի բակում նախագահ Սարգսյանի ժամանմանը սպասում էին մեծ թվով` տարբեր երկրներից ժամանած լրագրողներ:

Քիչ անց փակ դռների հետևում կկայանա երկու երկրների նախագահների և ԱԳ նախարարների համատեղ քննակումը, որին կհաջորդի պաշտոնական  ընթրիքը: Նախատեսված է, որ ընթրիքից անմիջապես հետո` երկու նախագահները  առանձնազրույց կունենան: Ապա կմեկնեն  մարզադաշտ դիտելու , այնքան սպասված Թուրքիա- Հայաստան ֆուտբոլային խաղը:

Խաղի ավարտից անմիջապես հետո նախագահ Սերժ Սարգսյանը կվերադառնա Հայաստան:

Armar.am