Ադրբեջանի արտգործնախարարությունը հոկտեմբերի 6-ին բողոքի նոտա է հանձնել Ադրբեջանում Իրանի դեսպանին, քանի որ հոկտեմբերի 4-ին Իրանի պաշտոնական զանգվածային լրատվամիջոցներով ցուցադրվել է տեսահոլովակ ու տպագրվել է հոդված, որոնք, ադրբեջանցիների կարծիքով, վիրավորում են Ադրբեջանի պաշտոնատար անձանց, Ադրբեջանի պետական դրոշը (դրա վրա պատկերված է եղել իսրայելական վեցթևանի աստղ` ադրբեջանական ութթևանիի փոխարեն) և աղավաղում պետական քաղաքականությունը:

Ադրբեջանի փոխարտգործնախարար Վ.Սադիգովն ասել է, որ «նման երևույթները կարող են լուրջ վնաս հասցնել Ադրբեջանի և Իրանի հարաբերություններին»: Ինչպես տեղեկացնում են ադրբեջանական կայքերը դադարեցվել է նաև իրանական «Սեհեր» հեռուստաալիքի հեռարձակումն Ադրբեջանի տարածքում:

Armar.am

Թեգեր` «Սեհեր» հեռուստաալիք, Ադրբեջան, դեսպան, դրոշ, Իրան