Հայ խաղաղապահները մեկնելու են Աֆղանստան
Հոկտեմբեր 15, 2009թ. 20:31
Հայ խաղաղապահները պաշտպանելու են ակտիվ ռազմական գործողություններից հեռու գտնվող աֆղանական Քունդուզ քաղաքի օդանավակայանը, Երեւան-Բրյուսել հեռուստակամրջի ժամանակ ասել է ՆԱՏՕ-ում Հայաստանի դեսպան Սամվել Մկրտչյանը: Նրա խոսքերով` Հայաստան-ՆԱՏՕ համագործակցության կարեւոր տարրերից մեկը դաշինքի հովանու ներքո իրականացվող խաղաղապահ գործողություններն են: Նա հիշեցրել է, որ հայ խաղաղապահները մասնակցել են Կոսովոյում անցկացվող գործողություններին:
Ս. Մկրտչյանի խոսքերով` հայ խաղաղապահների մասնակցությունը Աֆղանստանում ՆԱՏՕ-ի իրականացրած գործողություններին երկու նպատակ ունի` ներդրում ունենալ միջազգային անվտանգության ապահովման գործում եւ բարձրացնել հայ զինծառայողների մակարդակը: Ներկայումս կողմերը իրավական փաստաթղթերի համաձայնեցման փուլում են:
Armar.am
Դիտել Լրահոս բաժնի բոլոր նյութերը
