Հայաստանում և Ուկրաինայում բժշկության դասավանդման ցածր մակարդակի պատճառով Իրանը անվավեր կճանաչի այս երկրներում իր քաղաքացիների ստացած ավարտական վկայականները: Այս մասին Mehr լրատվական գործակալությանը ասել է Իրանի առողջապահության նախարարության կրթական բաժնի ղեկավար Հուլամրզա Հասանզադեն:

Նրա խոսքերով, 2010 թվականից սկսված կգործի օրենքը, ըստ որի այլևս հայկական և ուկրաինական բժշկական համալսարանների ավարտական վկայականները Իրանում արժեք չեն ունենա:

Ավելացնենք, որ Հայաստանի բժշկական համալսարաններում սովորում է մոտ 15 հազար իրանցի ուսանող: