«Մենք միակամ ու վճռական ենք’ թույլ չտալու մեր պատմական հայրենիքից հայության հայրենազրկումը, ըստ էության, փաստող արձանագրությունների վավերացումը ՀՀ խորհրդարանի կողմից»,-նման բովանդկությամբ հայտարարություն են տարածել վեց հասարակական կազմակերպությունների ներկայացուցիչներ: Նրանց խոսքով, Հայաստանի Հանրապետության ու Արցախի օրվա իշխանություններն իրենց օրենսդիր ու գործադիր ողջ գործունեությամբ պատասխանատու են բովանդակ հայության առաջ, և չպետք է առաջնորդվեն այն սխալ ու թյուր մեկնակետով, թե 3 միլիոնին են հաշվետու:

«Կոչ ենք անում մեր բոլոր հայրենակիցներին միանալու այս հրատապ ու հասարակական քաղաքացիական պահանջին և թույլ չտալու ազգադավ արձանագրությունների վավերացումը’ հանուն Հայրենիքի ու Արցախի ինքնիշխանության ու միասնականացման, հանուն հայազարմ հաջորդ սերունդների անվտանգ ու լուսավոր ապագայի»,-ասված է հայտարարության մեջ, որի ներքո ստորագրել են Արփինե Գալֆայան -Թեղուտի պաշտպանության խմբի անդամ, Հրայր Սավզյան – Թեղուտի պաշտպանության խմբի անդամ, Զարուհի Փոստանջյան – Թեղուտի պաշտպանության խմբի անդամ, ԱԺ պատգամավոր, Սեդա Մելիքյան – Փաստաբաններ մարդու իրավունքների համար ՀԿ, Լալա Ասլիկյան – ՀՀ Քաղաքացի, Դանիել Իոաննիսյան Քաղաքացիական ազգային նախաձեռնություն ՀԿ:

Նրանք նաև տեղեկացնում են, որ վաղը նույն պահանջներով Կառավարության շենքի դիմացից կմեկնարկի ընդդեմ հայ-թուրքական արձանագրությունների վավերացման հասարակական-քաղաքացիական բողոքի գործողությունը, ապա երթը դեպի նախագահական նստավայր:

Armar.am