Ցեղասպանության թանգարան-ինստիտուտի տնօրեն Հայկ Դեմոյանը շեշտում է, որ Հայաստանի ու Թուրքայի միջև ստորագրված արձանագրության մեջ նշված չէ, թե ներկայիս հայ-թուրքական սահմանը ո՞ր փաստաթղթի հիման վրա գոյություն ունի: «Սահմանը միջազգային հասկացություն է, և այն, ինչ մենք այսօր ունենք, ժառանգել ենք նախկին ԽՍՀՄ-ից: Արխիվային փաստաթղթերն ուսումնասիրող մասնագետների քննարկման  խնդիրներից պետք է լինի նաև սահմանագծի ուսումնասիրությունը, որը կճանաչվի և կհաստատվի որպես Հայաստանի և Թուրքիայի միջև սահման, և կկնքվի երկկողմ համաձայնագիր– պայմանագիր: Այլ կերպ ասած, կողմերը կամ պետք է Կարսի պայմանագիրը վերահաստատեն, կամ  այն չեղյալ համարեն և ընդունեն նոր պայմանագիր»,- ասում է Հ.Դեմոյանը: Նրա կարծիքով սահմանագծերից մեկը կարող է լինել Ռիզե–Արդահան–Արդվին–Սարի Ղամիշ–Օլդի–Իգդիր սահմանագիծը, որն օկուպացվեց 1920 թ.-ի բոլշևիկների և քեմալականների համատեղ ուժերով:

armarlur.com