Ինչո՞ւ  Ժառանգությունը  մերժեց  նախագահ Սերժ Սարգսյանի հրավերը և երեկ չներկայացավ   Կարեն Դեմիրճյանի  անվան մարզահամերգային համալիրում Հայաստանի և Թուրքիայի միջև նախաստորագրված արձանագրությունների   վերաբերյալ կայացած քննարկմանը: Ժառանգություն կուսակցության  խմբակցության ղեկավար Արմեն Մարտիրոսյանը հիշեցրեց օրերս ԱԺ-ում ԱԳ նախարարի կողմից հնչեցրած այն միտքը, որ արձանագրությունում որևէ կետ չի փոխվելու, և այն միայն իրազեկման համար է շրջանառության մեջ դրվել: «Ուստի և մենք որոշեցինք չմասնակցել այդ հանդիպմանը և ԱԺ-ի կողմից վավերացման ժամանակ դեմ ենք քվեարկելու այդ արձանագրություններին»: Ինչ վերաբերում է  Րաֆֆի Հովհաննիսյանի կողմից նախագահին ուղարկված նամակին, նա բովանդակությունը մեկնաբանելուց ձեռնպահ մնաց, փոխարենը, լրագրողներին խորհուրդ տվեց մեկ անգամ ևս դիտել խորհրդային տարիներին նկարահանված «Ուրիշի նամակները չի կարելի կարդալ»  ֆիլմը: