«Էրգենեքոնի» գործով անցնող Իբրահիմ Շահինի համակարգչից վերցված սենսացիոն փաստաթղթերի բացահայտումները շարունակվում են:

Ըստ որոնց` «Ժողովրդավարական հասարակություն» կուսակցության անդամներից 580-ը ազգությամբ հայ և եզդի են: Կուսակցության առաջնորդ և խորհրդարանի պատգամավոր Ահմեդ Թուրքի պապը 1925թ. փոխել է իր հայկական ազգանունը, կոչվել Թուրք, ինչպես նաև կրոնափոխ է  եղել: Թուրքիայի խորհրդարանի պատգամավոր Հիթմեթ Չեթինի հայրն էլ Քրդական աշխատավորական կուսակցությանն է ֆինանսավորել: Նրա երակներում  ևս հայի արյուն է հոսում, սակայն փոխել է և անունը, և կրոնը:

«Անհայտ հայերի» ցուցակում է «Ազգային շարժում» կուսակցության առաջնորդ Դեվլեթ Բահչելին: Փաստաթղթում նշված է, որ   1915-ին Ջեմալ Փաշայի եղբայրը որդեգրել է 12 տարեկան մի որբ հայ աղջկա, հետո բռնաբարել նրան: Բայց հետո որոշել ամուսնանալ հայ որբուկի հետ: Աղջկա իրական անունը Սաադեթ էր, վերափոխված անունը` Բահչելու, ով  Դեվլեթ Բահչելուի տատն է:

Հիշեցնենք, որ Դեվլեթ Բահչելին այն պետական պաշտոնյան է, ով  պետվարչապետի պաշտոնում աշխատած ժամանակ կառավարությանը կից ստեղծեց ու երկար տարիներ ղեկավարեց Հայոց ցեղասպանությունը մերժող հանձնախումբը: Ասենք, որ հանձնախումբն այսօր ակտիվ գործում է:

Թե որքանո՞վ  Դեվլեթ Բահչելին կարելի է հայ համարել, կարծում եմ պատասխանը միանշանակ է:

Սա, ի դեպ, խոսուն փաստն է, և մտորելու լուրջ տեղիք է տալիս մեզ` հայերիս,  մեկտեղ նախազգուշացնում բոլոր նրանց, ովքեր վերջին շրջանում սկսել են այդչափ ոգևորված շրջանառել այն թեզը, թե  մահմեդականություն ընդունած   հայն էլ հայ  է: