Օգոստոսի 10-ին ԱՄՆ-ի պետքարտուղարի տեղակալի օգնական Մեթյու Բրայզան Հարավային Կովկասի երկրներում շրջագայության շրջանակում այցելել է Վրաստանի մայրաքաղաք: Սա վերոնշյալ պաշտոնում Բրայզայի վերջին այցելությունն է Հարավային Կովկաս: Ինչպես այսօր Թբիլիսիում հայտնել է ինքը Բրայզան, Եվրասիայի և Եվրոպայի հարցերով ԱՄՆ պետքարտուղարի տեղակալի օգնականի պաշտոնում իրեն կփոխարինի փորձառու դիվանագետ Թինա Քեյդենաուն, որ երկար ժամանակ աշխատել է Կոսովոյում և Սարաևոյում:

Հիշեցնենք, որ ըստ մամուլում շրջանառվող լուրերի, Մեթյու Բրայզան կնշանակվի Ադրբեջանում ԱՄՆ դեսպան: Նշենք նաև, որ հաշվի առնելով Թինա Քեյդենաուի դիվանագիտական փորձառությունը, և մանավանդ նրա աշխատանքը Կոսովոյում և Սարաևոյում, շատ վերլուծաբաններ ենթադրում են, որ նա կփոխարինի Բրայզային նաև ԵԱՀԿ Մինսկի խմբի ամերիկյան համանախագահի պաշտոնում:

armar

Թեգեր` ԱՄՆ, Թբիլիսի, Մեթյու Բրայզա