Հրանտ Դինքի միջազգային հիմնադրամն այս տարվանից սկսած ամեն տարի Հրանտ Դինքի ծննդյան օրը` սեպտեմբերի 15-ին, Հրանտ Դինքի միջազգային անվանական մրցանակ է հանձնելու:

Մրցանակը տրվելու է նրանց, ովքեր անտեսելով վտանգները, շարունակում են պայքարել հանուն խաղաղության և արդարության: Հիմնադրամի նպատակն է` այս կերպ աջակցել  այդ մարդկանց իրենց պայքարում:

Մրցանակին արժանի թեկնածուներին այս տարի ընտրելու է հիմնադրամը: Այդ նպատակով ստեղծել է կոմիտե, որի մեջ ընդգրկվել են Ալի Բայրամօղլուն, Ռաքել Դինքը, Դելա Դինքը, Ռոբեր Կոպտաշը, Բեթույլ Տանբայը, Էթյեն Մահչյուբյանը և Սիբել Ասնան: Տեղեկացնենք, որ հաջորդ տարվանից թեկնածուները ընտրվելու են միջազգային հանձնաժողովի կողմից:

Հրանտ Դինքի միջազգային մրցանակը հաձնվելու է երեքշաբթի օրը` սեպտեմբերի 15-ին, Ստամբուլի Ջեմալ Ռեշիդ Ռեյ համերգային դահլիճում:

Թեգեր` Հրանտ Դինք