Թուրքական լրատվամիջոցները հաղորդել են, որ այսօր Անկարայում մեկնարկելու են ներքաղաքական քննարկումները` Հայաստանի և Թուրքիայի միջև դիվանագիտական հարաբերությունների հաստատման մասին նախաստորագրված   երկու արձանագրությունների շուրջ:

Քննարկումների համար նախատեսված է վեցշաբաթյա ժամկետ, որին կհաջորդի երկու երկրների կողմից արձանագրությունների ստորագրումը, ապա կներկայացվի խորհրդարանների վավերացմանը: Մատնանշված փուլերի ավարտից հետո փաստաթղթերը կմտնեն ուժի մեջ և պայմանավորվածության համաձայն` երկու ամիս անց կբացվի հայ-թուրքական սահմանը:

ներքաղաքական քննարկումների շրջանակում Թուրքիայի արտաքին գործերի նախարար Ահմեդ Դավութօղլուն առաջինը կհանդիպի և հայ-թուրքական պայմանավորվածությունների առնչությամբ բացատրություններ կտա  խորհրդարանի նախագահ Մեհմեթ Ալի Շաինին: Դրանից հետո նա հանդիպումներ կունենա Թուրքիայում գործող քաղաքական կուսակցությունների հետ:

armarlur.com

Թեգեր` Ահմեդ Դավութօղլու, Անկարա