«2010 թվականին հանրապետության բոլոր բնակավայրերը  կանոնավոր երթուղային կապով պետք է կապված լինեն շրջկենտրոնի և  մայրաքաղաքի հետ»: ԼՂ  Հանրապետության նախագահ Բակո Սահակյանի այս հանձնարարականն այսօր  կառավարության նիստում հրապարակեց վարչապետ Արա Հարությունյանը:

Այդ հանձնարարականի ոգուն համապատասխան են «Ավտոմոբիլային տրանսպորտի մասին» օրենքում առաջարկվող փոփոխություններն ու լրացումները:

Կառավարությունը առաջարկում է ստեղծել  երթուղիների  փաթեթ, որը կընդգրկի ոչ միայն  այսպես կոչված «եկամտաբեր», այլև «ոչ եկամտաբեր» երթուղիները: Բանն այն է, որ ուղևորափոխադրումներ իրականացնողները հիմնականում խուսափում են ոչ շահավետ երթուղիներից, ինչի արդյունքում տուժում են   ծայրամասային շրջանների բնակիչները:

Վարչապետ Արա Հարությունյանը նկատել է, որ  տրանսպորտի ոլորտի  մասնավորեցումը նոր խնդիրներ է ստեղծել, ինչից խուսափելու նպատակով  ԼՂՀ կառավարությունը որոշել է  պետական միջոցներով ձեռք բերել երթուղային միջոցներ` Քաշաթաղի և Շահումյանի շրջանների ուղևորափոխադրումը կանոնավոր կազմակերպելու նպատակով:

armar.

Թեգեր` Բակո Սահակյան, ԼՂՀ