Միացյալ Նահանգների Կոնգրեսի ԱՄՆ-Թուրքիա հարաբերությունների հարցերով հանձնախմբի երեք անդամներ` Ռոբերտ Ուեքսլերը, Էդ Ուիթֆիլդը և Քեյ Գրանգերը նամակով դիմել են ներկայացուցիչների պալատի անդամներին, որում իրենց աջակցությունն են հայտնել Հայաստանի և Թուրքիայի միջև հարաբերությունների կարգավորման գործընթացին:

Կոնգրեսականները հայտարարել են, թե ընդունում են Հայաստանի և Թուրքիայի միջև դիվանագիտական հարաբերությունների  հաստատմանը նպաստող այս արձանագրությունները, որոնք ուժի մեջ կմտնեն ստորագրումից հետո, իսկ դրա արդյունքում`  երկու կառավարությունների որոշմամբ, կբացվի սահմանը և կհաստատվեն դիվանագիտական հարաբերություններ: Ըստ նրանց, Հայաստանի և Թուրքիայի միջև հարաբեությունների կարգավորման այս  պատմական պահը կարևորագույն նշանակություն ունի Հարավկովկասյան տարածաշրջանում խաղաղություն, անվտանգություն և բարգավաճում ապահովելու գործում:

Կոնգրեսականները կոչ են արել երկու երկրների կառավարություններին շարունակել մերձեցման գործընթացը:

ArmAr.am