Արդեն սկսվել են Շուշի  քաղաքի ջրամատակարարման      շինարարական  աշխատանքները:  Դրանց ընթացքին   տեղում ծանոթանալու նպատակով, այսօր ԼՂՀ նախագահ  Բակո Սահակյանը, վարչապետ   Արա Հարությունյանի և «Շուշիի վերածնունդ»  հիմնադրամի նախագահ Երվանդ Զախարյանի  ուղեկցությամբ  այսօր Շուշիում էր:

Լիսագորից  Զառիսլու ընկած տարածքում կան երեք աղբյուրներ, որոնք կոչվել են Թադևոսի  ջրաղբյուրներ` ի պատիվ բարերար  Թադևոսի, ով   ժամանակին Շուշին ապահովել է ջրով: Մինչև այսօր էլ բարերարի կառուցած ջրագծի շնորհիվ է, որ ջուրը հասնում է Շուշի, սակայն, ընդամենը` երկու-երեք օրը մեկ, այն էլ մեկ ժամով:

Այնպես որ, քաղաքին վաղուց  նոր ջրատար էր անհրաժեշտ:    Ջուրը   Շուշի կհասնի ինքնահոսով: Արդեն իսկ  կատարված են 14 կմ  երկարությամբ ջրագծի`  10 կմ հատվածի հողային աշխատանքները:

ԼՂՀ նախագահը` Շուշիի ջրամատակարարման ապահովումը քաղաքի վերակենդանացմանն ուղղված   մյուս  բոլոր աշխատանքների հիմնաքարն է համարում:  «Հարկ է բոլոր ուժերը համախմբել   այդ նպատակի իրագործման շուրջ»:

Նախատեսվում է մինչև նոյեմբերի վերջ  ջուրը Շուշի հասցնել:

Իսկ քաղաքի ջրամատակարարման խնդիրն ամբողջությամբ  լուծելու նպատակով` արդեն եկող տարի,  նախատեսվում է վերակառուցել նաև քաղաքի ներքին ջրացանցը:

Ն.Հ.

Ստեփանակերտ