Նա իր երաժշտությամբ ցնցեց Ստամբուլը:

Սեպտեմբերի 26-ին Ստամբուլի «Hagia Eirene» թանգարանում ամերիկահայ համաշխարհային ճանաչում ունեցող երաժիշտ Արա Դինքջյանի` «Արմատներ և ճյուղեր» խորագրով բարեգործական համերգը թուրք երաժիշտ Էրդալ Աքքայի հետ` մեծ հաջողություն է ունեցել:

Թուրքիայի մշակութային գործիչները ընդունել են, որ հայազգի արվեստագետն իր երաժշտության հնչյուններով ցնցել է թուրք հասարակությանը: Համերգին ներկա գտնվող Թուրքիայի մշակույթի և զբոսաշրջության նախարար Էրթուղրուլ Գյունայն էլ շեշտել է, որ  Դինքջյանի երաժշտությունը հիասքանչ է, այն չի կարող անտարբեր թողնել որևէ մեկին: Համերգի կազմակերպիչները հայտարարել են, թե Դինքջյանը իր երաժշտությամբ ապացուցել է, որ տարբերություն չկա լեզվի, կրոնի և ազգային պատկանելության մեջ, հայ և թուրք հասարակությունների միջև երկխոսությունը և բարեկամությունը խորը արմատներ ունեն:

Աշխարհի 13 լեզուներով երգող Արա Դինքջյանը, ով այսօր համարվում է ուդի վրա նվագող ամենահայտնի երաժիշտներից մեկը, համերգից հետո խոստովանել է, որ երգացանկը հատուկ ընտրված է եղել:  Համերգի նպատակն էր ցույց տալ, որ « Հայերն այս հողում իրենց խորը արմատներն  ունեն»:

Արա Դինքջյանի ընտանիքի արմատները Դիարբեքիրից են. երկար մաքառումներից հետո նրանք բնակություն են հաստատել Միացյալ Նահանգներում:

Ք.Մ.

Թեգեր` Արա Դինքջյանը, ուդ նվագող ամենահայտնի երաժիշտը