ArmAr-ն արդեն  անդրադարձել է պետության կողմից ազգային նվագարանների` անվճար ուսուցման կազմակերպման մասին: Նաև տեղեկացանք, որ կարևորելով նաև ազգային պարի նշանակությունը` Մշակույթի նախարարությունն աջակցելու է դպրոցներում պարի` որպես արտադասարանական առարկայի ուսուցմանը, իսկ նախաձեռնությունը «Կարին» ավանդական երգի-պարի համույթի ղեկավար Գագիկ Գինոսյանինն է.

«Կոմիտասը նույնիսկ երգից ավելի պարավեստն էր կարևորում և ասում էր` այն, ինչ հնարավոր չէ երեխային տալ դասի միջոցով, առավել ընկալելի է խաղի և պարի միջոցով: Ազգային պարերի ուսուցումը ռազմավարական խնդիր է: Դպրոցներում պարուսուցման կազմակերպման նպատակով դիմել ենք տարբեր ատյանների: Այժմ Երևանի քաղաքապետարանի և Մշակույթի նախարարության հետ համաձայնեցված` դեռևս փորձնական` որպես արտադասարանական առարկա,  աշակերտների համար ազգային պարին ծանոթանալու հնարավորություն կստեղծվի: Սա առաջին փորձն է, որը կիրականացվի յուրաքանչյուր շրջանի ընդամենը մեկ դպրոցում»: Բայց դասընթացներին կարող են մասնակցել նաև այլ դպրոցների աշակերտները, իսկ ծրագրի հաջողության դեպքում  դպրոցների թիվը կավելանա:

Ա.Կ.

Թեգեր` «Կարին» ավանդական երգի-պարի համույթ, Գագիկ Գինոսյան