Նախագահ Սերժ Սարգսյանն այսօր ցավակցական հեռագիր է հղել Ռուսաստանի Դաշնության Նախագահ Դմիտրի Մեդվեդևին:

Հեռագրում ասված է. «Ցավով տեղեկացա օգոստոսի 17-ին Նազրանում տեղի ունեցած բարբարոսական պայթյունի մասին, որը բազմաթիվ անմեղ մարդկանց մահվան ու տառապանքների պատճառ դարձավ: Վճռականորեն դատապարտում եմ կատարված ահաբեկչական գործողությունը, որը չունի և չի կարող ունենալ արդարացում»:

Նախագահ Սարգսյանը Հայաստանի ժողովրդի և անձամբ իր անունից ցավակցություն է հայտնել զոհվածների հարազատներին ու մերձավորներին և շուտափույթ ապաքինում մաղթել ահաբեկչական գործողության հետևանքով տուժածներին:
armarlur.com

Թեգեր` Դմիտրի Մեդվեդև, Սերժ Սարգսյան