«Ոսկե Ծիրան»–ը անիվների վրա՝ Ջավախքում»  ծրագրի շրջանակներում երեք օր առաջ Ախալքալակում ցուցադրվել է վրացի ռեժիսոր Գեորգի Օվաշվիլիի (նկարում) «Մյուս ափը» ֆիլմը վրացերեն լեզվով, հայերեն լուսագրերով: Այդ մասին հաղորդում է Tert.Am տեղեկատվական կայքը:

Հաջորդ օրերին Ախալքալակի՝ երկար ընդմիջումից հետո վերաբացված կինոթատրոնում ցուցադրվեցին հայկական ֆիլմեր. Աշոտ Մելքոնյանի՝ «Դեպի Արարատը» և Հարություն Խաչատրյանի՝ «Սահմանը»։

Ջավախահայերի հետ հանդիպումներին վրացական և հայկական կինոարտադրության նմուշների հետ աջակցել էին մի շարք ընկերություններ Հայաստանից։ «Սովռանո» ընկերության հիմնադիր Սոս Սահակյանին ծրագրին աջակցելու համար «Ոսկե Ծիրան» կինոփառատոնի կազմակերպիչները շնորհակալագիր շնորհեցին՝ Ատոմ Էգոյանի և Հարություն Խաչատրյանի անունից։

Հիշեցնենք, որ  «Ոսկե Ծիրան»-ը Ջավախքում ծրագիրն իրականացվում է փառատոնի պաշտոնական գործընկեր Թբիլիսիի միջազգային կինոփառատոնի, ինչպես նաև Վրաստանի Ազգային կինոկենտրոնի համագործակցությամբ:

armarlur.com

Թեգեր` Ջավախք, Վոսկե Ծիրան